И во учебната 2019/2020 година, како и во претходните, нашето училиште зеде учество во Училишните средношколски лиги:  Одбојка машки и женски,  Кошарка машки и женски,  организирани од Град Скопје.

Одговорен наставник – тренер беше Шкодран Ебиби, наставник по спорт и спортски активности во СЕПУГС „Арсени Јовков“. Наставникот, како и изминатите години го афирмира училиштето на полето на спортските активности и огромна е неговата заложба за составување меѓуетнички интегрирани тимови од ученици кои наставата ја следат на различен наставен јазик. Преку спортот нашите ученици ги развиваат чувствата за солидарност, сплотеност и здружено работење.

На овогодинешните натпревари интегрираниот машки одбојкарски тим се пласираше во полуфинале, но поради пандемијата понатамошните натпревари не се одиграа.