Женската граѓанска иницијатива АНТИКО во соработка со граѓанското здружение Мултикултура и канцеларијата на Европската унија во Македонија на петти декември 2014 година во СУГС „Арсени Јовков“ одржаа предавања под мотото „Не! За уште една жртва! СТОП за родовото и семејното насилство“. Учениците имаа можност да се запознаат за формите на семејното и родово насилство, но и да научат за мерките и механизмите за заштита од ваквите типови на насилство, кои во последно време земаат сѐ поголем замав. На предавањата учениците активно учествуваа и упатија јасна порака: „Извини нема да ја ублажи болката, бакнеж нема да ја покрие лузната, подарок, нема да ја врати самодовербата.
УЧЕСТВО НА VII МЕЃУНАРОДЕН ФЕСТИВАЛ ЗА ТЕАТАР, МУЗИКА И ТАНЦ „УТРИНСКА ЅВЕЗДА“ ВО БАНСКО, Р БУГАРИЈА
Во рамките на поттикнување на креативноста и натпреварувачкиот дух на учениците од СУГС „Арсени Јовков“ – Скопје, а со цел промовирање на македонската култура и афирмација на македонската држава на меѓународно поле, како и поттикнување и создавање на чувство на одговорност и дружење со децата од другите европски држави Романија, Бугарија, Унгарија, Украина, Казахстан и Македонија учениците учестувуваа на Меѓународен фестивал во Банско, Р Бугарија.
Фестивалот беше со натпреварувачки карактер. Во категоријата за талентирани деца до 16 години во областа на музиката учениците на СУГС „Арсени Јовков“ со својот бенд „Пулс“ освоија второ место. Бевме поканети да гостуваме во ТВ Сител како промотори на Македонија. Истиот настан беше проследен и на порталот www.marili.com.mk, и во средношколскиот весник Медиум.
ДЕН БЕЗ АВТОМОБИЛИ
Со велосипедска парада Градот Скопје го одбележа 22 септември – Меѓународен ден без автомобили. Парадата старуваше во 12 часот на плоштадот Пела и движеше низ центарот на градот: Плоштад “Македонија” – ул. “Македонија” – бул.” Димитрија Чупоски” – бул. “ВМРО” – бул.” Илинден”, а ќе заврши кај Градски Парк кај Школка.
Карванот со велосипеди, го предводеше градоначалникот Коце Трајановски, евроамбасадорот Ерван Фуере и министерот за животна средина и просторно планирање, Неџати Јакупи. Во парадата учествуваат и ученици од нашето училиште. Професор-ментор беше професорот по спорт и спортски активности Крсте Војнески.
БЕСПРЕКОРНА ИГРА НА ФУДБАЛЕРИТЕ ОД “АРСЕНИ ЈОВКОВ“
Машката фудбалска екипа на “Арсени Јовков“ предводена од професорот Марко Бајевски ги руши сите рекорди. Во групната фаза со максимален број бодови, екипата на “Арсени Јовков“ се пласираше во четвртфиналето на турнирот каде што учество земаа сите средни училишта на Град Скопје.
Нашата екипа силите ги одмери со СУГС “Орце Николов“, момците одиграа извонредно и не дозволија изненадувања. Една од подобрите екипи падна со резултат од 5:1.
НИЕ СМЕ НАЈДОБРИ
Проектот „Ние сме најдобри“ се одржа во корелација со Центарот за креативен развој, Град Скопје, OSCE во Скопје и Универзалната сала од Скопје. Со реализацијата на овој најголем средношколски фестивалски АРТ – проект учениците ги стимулираа и анимираа своите креативни капацитети.
Од нашето училиште учествуваа голем број ученици со мешан етнички состав. Овој настан се одржа на 13.12.2014г. и учениците се натпреварува во категориите: музика, театар, филм, фотографија, мода и танц. За секоја од категориите учениците посетуваа разновидни, интересни, корисни и практични обуки, предавања и работилници со реномирани истакнати и препознатливи домашни артисти. Во категоријата фотографија учествуваа учениците: Оља Мајнова, Ивана Андреева и Един Халим. Учениците освоија прво место на тема “Сите во акција за безбедни училишта”. Во категоријата музика учествуваше ученикот Иван Серафимовски како соло изведувач; Во категоријата танц учествуваа учениците: Јован Стојановски, Анес Љата, Елена Велкова и Марија Петревска; Во категоријата театар учествуваа учениците: Вероника Ивчева и Мартина Павличков со драмата “Пиреј”. Одговорен ментор за сите активности беше професорката Даниела Николовска.
НА 12 АПРИЛ ВО 12 ЧАСОТ СИТЕ ВО ГРАДСКИ ПАРК
Средното економско и правно училиште на Град Скопје „Арсени Јовков“ оваа година прославува 130 години од раѓањето на својот патрон Арсени Јовков и 50 години од постоење на училиштето. Од формирањето, па до денес, училиштето исшколува над 70.000 економски техничари, биротехничари и дактилографи и деловни секретари кои успешно се вклучија во нашето општество како вработени или го продолжија своето образование на факултетите.
Својата успешна работа и своето постоење ќе го одбележиме со музички хепенинг под мотот МЛАДОСТА Е МОЈАТА РЕЛИГИЈА на 12 април (сабота) од 12 – 14 часот во Градскиот парк, локација Школка. Ќе настапуваат бендови од школото кои ќе пеат на македонски, албански, ромски и турски.
На овој начин сакаме да го поттикнеме соживотот меѓу сите заедници во државава, да испратиме порака за соживот и да покажеме дека музиката и младоста не познаваат разлики.