На конкурсот „Изрази се преку медиумите“ на кој се натпреваруваа повеќе од 40 средношколци со изработени видеа, фото-приказни и постери на тема „(Де)конструирај ги медиумите: најди го значењето зад пораката“, Ивана Андреева ученичка во трета година го освои четвртото место. Преку медиумските производи средношколците го откриваа најчесто скриеното значење на медиумските пораки објавени на ТВ, радио, печатен или он-лајн медиум и како нивните содржини влијаат врз изборот на младите да купат нешто, да донесат одлуки или да размислуваат во одредена насока. Најдобрите производи ги избираше комисија составена од предавачи на Високата школа за новинарство и за односи со јавноста и од медиумски професионалци.

Целта на конкурсот „Изрази се преку медиумите“ е да се поттикне медиумската писменост кај младите, кои на креативен начин ќе покажат дека умеат да ги толкуваат и критички оценат медиумските содржини на кои се постојано изложени. Конкурсот се реализираше во рамки на проектот „(Де)конструирај ги медиумите“ што го спроведе Високата школа за новинарство и за односи со јавноста, со поддршка од Амбасадата на САД во Македонија.

Високата школа за новинарство и за односи со јавноста во третата сезона на средношколскиот проект и веб страница www.medium.edu.mk започна нов проект. Целта на проектот е поттикнувње и охрабрување на тинејџерите да читаат и пишуваат користејќи ги техниките на новинарското изразување.

Учениците од десет средни училишта учествуваа на обука за новинарство во Високата школа за новинарство и односи со јавноста. Дали сме свесни колку медиумите ни ја менуваат перцепцијата за работите кои не опкружуваат? Целта на овие обуки е преку примери да се пренесат основните знаења за користењето на медиумите. Што е тоа медиум? Какви медиуми постојат? Како влијаат врз нас медиумите? Одговорите на овие прашања средношколците сами ги пронајдоа преку низа активности за медиумска и дигитална писменост. Оваа обука траеше шест часа и учениците се стекнаа со нови знаења. Имаше дискусии каде што учениците ги искажуваа своите ставови и мислења.

После обуките, учениците под менторство на своите професори по македонски јазик имаа за цел да напишат текстови за медиумска писменост. Овие текстови освен што треба да се објават на он-лајн весниците на своите училишта, тие ќе бидат објавени и на medium.edu.mk

10-те училишта кои беа опфатени на овие обуки се: “Арсени Јовков”, “Васил Антевски Дрен”, “Орце Николов”,  “Раде Јовчевски Корчагин”, “Никола Карев”, “Георги Димитров”, “Јосип Броз Тито”, “Браќа Миладиновци”, “Здравко Цветковски” и  “ЗефЉуш Марку”.

70-годишнината од ослободувањето на градот Скопје, Средното економско и правно училиште на Град Скопје „Арсени Јовков“ овој настан го одбележа со три активности. Сите активности беа спроведени во просториите на училиштето, а во истите учествуваа ученици заедно со нивните професори-ментори. Беше организирано литературно читање на тема – Градот мој, ликовна изложба на тема – Скопје некогаш и сега и одбојкарски натпревар.

Европското  движење на Р.Македонија (ЕДРМ)  во соработка со Градот Скопје во текот на првото полугодие во СУГС „Арсени Јовков“ и уште четири училишта во градот Скопје го реазлираа проектот од едукативен карактер со наслов: Знаејќи повеќе за Европа и Европската унија знаеме повеќе за нас.
Учениците имаа можност во текот на ноември и декември во своите училишта да се запознаат со основните принципи на формирање и функционирање на ЕУ, како и за актуелностите во ЕУ и нејзиното проширување. Наставата ја одржаа магистри и докторанти на студиите по европеистика. Потоа беше одржано едно пригодно предавање за сите ученици во салата на Собранието на Град Скопје, а на 10 јануари 2015 година се одржа и квиз натпревар посветен на Европската унија, на кој учествуваа пет екипи (секоја по три ученика).

Од 30 јануари до 1 февруари осум ученички од прва година под менторство на проф. Марина Цвтаноска учствуваа на тридневниот семинар, стручни симулации за Европската унија, кој се одржа во Крушево (Хотел Монтана). На работилниците, во рамките на програмата за едукација на Фондацијата Конрад Аденауер, учениците имаа можност практично да ја симулираат работата на Европската Унија и со тоа да ги прошират и збогатат знаењата. Зимската едукативна школа освен знаење вклучи и забава, така што младите имаа можност за дружење и прошетка низ Крушево.

Женската граѓанска иницијатива АНТИКО во соработка со граѓанското здружение Мултикултура и канцеларијата на Европската унија во Македонија на петти декември 2014 година во СУГС „Арсени Јовков“ одржаа предавања под мотото „Не! За уште една жртва! СТОП за родовото и семејното насилство“. Учениците имаа можност да се запознаат за формите на семејното и родово насилство, но и да научат за мерките и механизмите за заштита од ваквите типови на насилство, кои во последно време земаат сѐ поголем замав. На предавањата учениците активно учествуваа и упатија јасна порака: „Извини нема да ја ублажи болката, бакнеж нема да ја покрие лузната, подарок, нема да ја врати самодовербата.

Во рамките на поттикнување на креативноста и натпреварувачкиот дух на учениците од СУГС „Арсени Јовков“ – Скопје, а со цел промовирање на македонската култура и афирмација на македонската држава на меѓународно поле, како и поттикнување и создавање на чувство на одговорност и дружење со децата од другите европски држави Романија, Бугарија, Унгарија, Украина, Казахстан и Македонија учениците учестувуваа на Меѓународен фестивал во Банско, Р Бугарија.

Фестивалот беше со натпреварувачки карактер. Во категоријата за талентирани деца до 16 години во областа на музиката учениците на СУГС „Арсени Јовков“ со својот бенд „Пулс“ освоија второ место. Бевме поканети да гостуваме во ТВ Сител како промотори на Македонија. Истиот настан беше проследен и на порталот www.marili.com.mk, и во средношколскиот весник Медиум.

Со велосипедска парада Градот Скопје го одбележа 22 септември – Меѓународен ден без автомобили. Парадата старуваше во 12 часот на плоштадот Пела и движеше низ центарот на градот: Плоштад “Македонија” – ул. “Македонија” – бул.” Димитрија Чупоски” – бул. “ВМРО” – бул.” Илинден”, а ќе заврши кај Градски Парк кај Школка.

Карванот со велосипеди, го предводеше градоначалникот Коце Трајановски, евроамбасадорот Ерван Фуере и министерот за животна средина и просторно планирање, Неџати Јакупи. Во парадата учествуваат и ученици од нашето училиште. Професор-ментор беше професорот по спорт и спортски активности Крсте Војнески.