ПУШАТ И ПИЈАТ ЗА ДА ПОКАЖАТ ДЕКА СЕ ВОЗРАСНИ

Во соработка со учениците од СУГС „Арсени Јовков“ спроведена е анонимна анкета, а целта беше да го покренеме прашањето за заштита на младите од пороците и несовесноста на некои продавачи на цигари и алкохол и покрај забраната – ЗАБРАНЕТА ПРОДАЖБА НА ЦИГАРИ И АЛКОХОЛ НА ЛИЦА ПОД 18 ГОДИНИ. Анализата излезе во дневниот весник „Нова Македонија“

На прашањето што предлагаат учениците да се направи за да се намали консумацијата на алкохол и на цигари кај младите, тие одговориле да се почитува правилото за забранета продажба на лица под 18 години. Педесет и осум отсто од средношколците на петнаесетгодишна возраст се пушачи, 39 отсто консумирале алкохол, а на 87 отсто од нив не им била побарана лична карта кога купувале алкохол или цигари. Ова го покажуваат резултатите од анкетата спроведена во училиштето за средно образование „Арсениј Јовков“. Учениците што биле анкетирани се на возраст од 15, 16 и 17 години.

УЧЕСТВО НА VII МЕЃУНАРОДЕН ФЕСТИВАЛ ЗА ТЕАТАР, МУЗИКА И ТАНЦ „УТРИНСКА ЅВЕЗДА“ ВО БАНСКО, Р БУГАРИЈА

Во рамките на поттикнување на креативноста и натпреварувачкиот дух на учениците од СУГС „Арсени Јовков“ – Скопје, а со цел промовирање на македонската култура и афирмација на македонската држава на меѓународно поле, како и поттикнување и создавање на чувство на одговорност и дружење со децата од другите европски држави Романија, Бугарија, Унгарија, Украина, Казахстан и Македонија учениците учестувуваа на Меѓународен фестивал во Банско, Р Бугарија.

Фестивалот беше со натпреварувачки карактер. Во категоријата за талентирани деца до 16 години во областа на музиката учениците на СУГС „Арсени Јовков“ со својот бенд „Пулс“ освоија второ место. Бевме поканети да гостуваме во ТВ Сител како промотори на Македонија. Истиот настан беше проследен и на порталот www.marili.com.mk, и во средношколскиот весник Медиум.