КРВОДАРИТЕЛСКА АКЦИЈА
На ден 13 февруари во просториите на Црвен Крст – Чаир се одржа крводарителска акција под мотото ПОДАРИ КРВ – ПОДАРИ ЖИВОТ.
Крводарители оваа година беа и учениците од четврта година од СУГС „Арсени Јовков“. Имаше солидна бројка на заинтересирани, но од страна на докторите од Одделот за трансфузиологија само на четири ученици им беше дозволено да даруваат. Оваа акција се одржа по петти пат оваа година по повод Денот на вљубените.
НЕ! ЗА УШТЕ ЕДНА ЖРТВА, СТОП ЗА РОДОВОТО И СЕМЕЈНОТО НАСИЛСТВО!
Женската граѓанска иницијатива АНТИКО во соработка со граѓанското здружение Мултикултура и канцеларијата на Европската унија во Македонија на петти декември 2014 година во СУГС „Арсени Јовков“ одржаа предавања под мотото „Не! За уште една жртва! СТОП за родовото и семејното насилство“. Учениците имаа можност да се запознаат за формите на семејното и родово насилство, но и да научат за мерките и механизмите за заштита од ваквите типови на насилство, кои во последно време земаат сѐ поголем замав. На предавањата учениците активно учествуваа и упатија јасна порака: „Извини нема да ја ублажи болката, бакнеж нема да ја покрие лузната, подарок, нема да ја врати самодовербата.
Повеќе: НЕ! ЗА УШТЕ ЕДНА ЖРТВА, СТОП ЗА РОДОВОТО И СЕМЕЈНОТО НАСИЛСТВО!