Мултикултурно етно катче со кукли во народни носии во СУГС „Арсени Јовков“
Во рамките на проектите од областа на креативните индустрии со поддршка на Министерството за култура, беше реализиран проект за запознавање на младите со традицијата, фолклорот и обичаите, како битни обележја на еден народ.
Целта на проектот беше младите (средношколци) да се запознаат со традицијата, фолклорот и обичаите и преку создавање креативен дух да го запознаат и осознаат својот идентитет, но и да го негуваат културното наследство од нашите предци.
Повеќе: Мултикултурно етно катче со кукли во народни носии во СУГС „Арсени Јовков“
ВКЛУЧИ СЕ, ПРЕПОЗНАЈ, ДЕЛУВАЈ!
Здружението на граѓани Младите можат во соработка со Фондацијата Конрад Аденауер, заедно со младите од СЕПУГС „Арсени Јовков“ започна со имплементирање на проектот „Вклучи се, препознај, делувај!“.
За таа цел на 06, 07 и 08 април беа одржани работилници на кои се работеше на зближување на учениците од различни етнички и религиски заедници, зголемување на мотивацијата и компетенцијата кај младите. На тридневните обуки совладуваа алатки како тие да станат активни во својата заедница, прифаќајќи ги вредностите на ЕУ во однос на граѓанското вклучување, едукација и волонтеризам.
